ҚР Тұңғыш Президенті – Елбасы қоры мен Мемлекеттік тілді дамыту қорының  «Ең үздік қазақ тілді сайты» аталымының жеңімпазы Martebe.kz республикалық білім сайтында Хантәңірінің мұзбалағы Мұқағали Мақатаевтың мұрасын жастар арасында кеңінен насихаттау мақсатында ұйымдастырылған І Республикалық «Қара өлеңнің құлагері» атты шығармашылық байқауына 11-сынып оқушысы, талай олимпиадалар мен конкурстар жүлдегері, мектебіміздің мақтанышы Сатпаева Анель қатысып, жүлделі 1-орынды иеленді. "...Қасиетіңнен қара өлең айналайын" көркемсөз номинациясы бойынша байқауға еліміздің түкпір-түкпірінен қатысқан дарынды қатысушылардың арасынан топ жарып шығып, өзінің ерекше талантын көрсете білген Анель олимпиаданың ұйымдастырушылары атынан 1-ші дәрежелі дипломмен, М.Мақатаевтың жыр жинақ кітабы сыйлығымен және "Мұқағали мұрагері" төсбелгісімен марапатталды. Республика көлемінде өткізіп, Мұқ ағали жырларын сүйетін дарынды жастардың, қазақ әдебиетінің мәртебесін көтеріп жатқан ұйымдастырушыларға алғысымыз шексіз!